iOS 26-da gyzykly bir funksiýa peýda boldy – indi smartfonlary ýüzüň hereketi bilen dolandyryp bolýar. TikTok ulanyjylary eýýäm täze mümkinçilikleri barlap gördi we öz täsirleri bilen paýlaşýar.
Indi iPhone ýylgyrmak, gaşyňy galdyrmak, agzyňy açmak, gözüňi gyrpmak, burnuňy mürşertmek, dodagyňy bir tarapa süýndürmek we hatda diliňi çykarmak ýaly hereketlere seslenýär. Her bir herekete öz buýrugyňy bermek bolýar – mysal üçin, programmany çalyşmak, skrin etmek ýa-da kamerany açmak.
Käbir ulanyjylar funksiýany TikTok lentasyny diliň hereketi bilen geçirip bolar ýaly sazlady – olar bu herekete “ýokaryk swaýp” buýrugyny dakdy.
Täze funksiýalary işjeňleşdirmek üçin smartfonyň sazlamalaryny açyp, “Ählumumy elýeterlilik” (Accessibility), soňra “Kelläni yzarlamak” (Head Tracking) bölümini saýlap, buýruk bermeli.
Ýüz hereketi bilen dolandyrmakdan başga-da, iOS 26 täzelenmesi alty sany täze rington goşdy – bu adaty “Serpikme” sazynyň remiksleridir. Olaryň atlary şeýle: “Buoyant” (Şadyýan), “Dreamer” (Arzuwçyl), “Tech” (Tehnologik), “Pop”, “Reflected” (Serpikdirilen), “Surge” (Joşgun).
