Android üçin Google Chrome-da AI bilen işleýän “Audio synlar” (Audio Overviews) atly täze funksiýa peýda boldy. Ol diňe bir web sahypasyny okamak bilen çäklenmän, onuň gysgaça mazmunyny hem döredýär we ony iki sany "esasy podkastyň" arasyndaky gepleşik hökmünde hödürleýär.
Android Authority-niň berýän maglumatyna görä, innowasiýanyň maksady - okamagy has çalt we özüne çekiji etmek. Ulanyjylar tutuş makalany okamagyň ýerine makalanyň ýa-da tekstiň gysgaldylan görnüşini diňläp bilerler.
Täze funksiýany ulanmak üçin, Chrome-da web sahypa açmaly, ýokarky sag burçdaky üç nokady basmaly we "Bu sahypany diňlemek" opsiýasyny saýlamaly. Gysgaça syn aýtdyryş tizligini sazlaýjynyň gapdalyndaky "Okamak tertibi" bölüminde ýerleşýär.
Ses synyny bermek pikiri ilkinji gezek Google NotebookLM programmasynda durmuşa ornaşdyryldy. Ol uzyn tekstleri amatly podkastlara öwürmegi teklip edýärdi. Mart aýynda kompaniýa bu mümkinçiligi Gemini çat-botuna-da goşdy.
