Samsung kompaniýasy 21-nji oktýabrda Project Moohan XR garniturasy bilen tanyşdyrar. Bu barada ETNews neşiri habar berýär. Ozal KHBS-de dürli seneler – 29-njy sentýabr we 13-nji oktýabr barada aýdylypdy, ýöne indi sene takyk kesgitlendi.
Çäräniň onlaýn geçmegine, satuwyň bolsa tanyşdyrylyşdan soň tiz wagtdan başlamagyna garaşylýar. Samsung ýylyň ahyryna çenli 100 müň töweregi garnitura satmagy meýilleşdirýär.
Project Moohan-yň bahasy 1800-2800 dollar diýlip hasaplanýar. Gurluş garyşyk hakykat üçin täze platformada, Android XR-de işlär. 2026-njy ýylyň başynda Xreal kompaniýasynyň akylly äýnekleri hem şu ulgam bilen çykar diýlip garaşylýar.
KHBS Project Moohan-y eýýäm Apple Vision Pro-nyň bäsdeşi diýip atlandyrýar. Çünki gurluşlar daşky görnüşi we mümkinçilikleri taýdan meňzeş gelýär.
Ozal garnitura bilen bilelikde Samsung-yň ilkinji üç ekranly Galaxy TriFold smartfonynyň hem çykmagyna garaşylypdy. Ýöne onuň oktýabr çäresindäki relizi entek tassyklanmady.
