Pablo Pikassonyň “Buste de femme” suraty Gonkongda Christie’s auksionynyň esasy harydy bolar. Bu suratda onuň ylham çeşmesi bolan Dora Maar şekillendirilýär. Hünärmenleriň hasaplamalary boýunça, sungat eseri 11-14 mln dollara satylyp bilner diýlip, auksion öýüniň saýtynda habar berilýär.
Surat 1944-nji ýylda, Parižde nemes agalygynyň tamamlanan döwri döredildi. Onda Pikassony birnäçe meşhur eserlerini döretmäge ruhlandyran söýgülisi – suratkeş-sýurrealist we fotosuratçy Dora Maar şekillendirilen.
Bilermenler onuň soňky ýyllarda auksionlarda peýda bolan Dora Maaryň iň uly we möhüm portretleriniň biridigini belleýär. 25 ýyldan gowrak wagt surat şahsy kolleksiýada saklandy we häzir ýene sungat bazaryna gaýdyp geldi.
XX we XXI asyrlaryň sungat eserleriniň auksiony 26-njy sentýabrda geçiriler we Gonkongda Christie’s-iň güýzki möwsüminiň başlangyjy bolar.
