OpenAI kompaniýasy robot tehnikasy, şol sanda gumanoid ulgamlaryň üstünde işlemek boýunça täze topary döredýär döredýär. Bu barada Wired habar berýär.
Neşiriň habar bermegine görä, kompaniýa robotlary dolandyrmak ugrunyň hünärmenlerini işjeň işe alýar. Olaryň arasynda ozal Stenford uniwersitetinde robot taslamalaryna ýolbaşçylyk eden Çen Şu Li bar. Başga-da bu ugruň iki hünärmeni başga bir kompaniýadan OpenAI-a geçdi.
Robotlara bolan gyzyklanma uniwersal emeli aňy (AGI) işläp taýýarlamak meselesi bilen baglanyşykly. ChatGPT ýaly dil modelleri diňe tekst bilen işleýän bolsa, robotlara gurlan AI algoritmleri wezipeleri has çylşyrymly we öňünden aýdyp bolmaýan hakyky durmuşda synagdan geçirmäge mümkinçilik berýär. Bu bir wagtyň özünde “pikirlenmäniň” birnäçe derejesini – hereket işjeňliginden başlap, meýilnamalaşdyrmaklyga we aragatnaşyga çenli talap edýär. Şol bir wagtyň özünde, robotlar ýüzugra ýagdaýa görä özboluşly öwredijilik häsiýetli maglumatlary alýarlar.
OpenAI-yň bu ugurda eýýäm birneme tejribesi bardy: 2019-njy ýylda kompaniýa Rubikiň kubyny düzýän mehaniki eli döretdi, ýöne 2021-nji ýylda bu ugurdaky taslamalar doňduryldy. Indi kompaniýa olara gaýdyp gelýär we has uly ädimleri etmäge taýýarlanýar.
OpenAI-yň web sahypasynda millionlarça enjam öndürmek üçin dörediljek datçiklerden, mehaniki ulgamlardan, prototipleşdirmekden we beýleki ugurlardan baş çykarýan inženerler üçin boş iş orunlary görkezilýär. Morgan Stanley-iň maglumatlaryna görä, gumanoid robotlarynyň bazary 2050-nji ýyla çenli 5 trillion dollara ýetip biler.
