26-njy sentýabrda režissýor Pol Tomas Andersonyň baş keşbi Leonardo Di Kaprionyň ýerine ýetirmeginde çykan “Bir söweşden soň beýleki” (Битва за битвой) drama trilleriniň premýerasy boldy.
Köpçülige ýaýramazdan ozal film tankytçylara görkezildi we ýokary bahalara eýe boldy: Rotten Tomatoes platformasynda 68 synyň esasynda 97% we Metacritic-de 33 synyň esasynda 100-den 96 bal.
Synçylaryň pikiriçe, “Nebit” we “Ussat” filmleriniň režissýory özüniň iň güýçli eserleriniň birini düşürdi. Olar filmiň dramadan we trillerden başlap, komediýa bölümlerini öz içine alýan žanr köpdürlüligine ýokary baha berdi. Ataly gyzyň keşplerini ýerine ýetiren Leonardo Di Kaprio bilen Çeýz Infinitiniň çykyşlary hem öwüldi. Şeýle-de, Şon Penniň aktýorlyk işi, sahnalaryň goýluşy, ssenariý we operatorlyk işi oňyn bahalandyryldy.
Synçylaryň aýtmagyna görä, Anderson ösüp barýan çaganyň ene-atasynyň häzirkizaman dünýäsiniň haýsy elhençlikleri bilen ýüzbe-ýüz bolýandygyny örän takyk görkezýär. Time Out neşirinden Lu Tomas filmi “162 minutlyk howp, komediýa, söýgi we bulaşyklyk” diýip häsiýetlendirdi.
Aleks Godfri (Empire Magazine) “onuň öçürip bolmajak filmleriň biridigini” belläp, filmi “sowuk, dessine klassyk” diýip atlandyrdy.
Dewid Fir (Rolling Stone) şeýle ýazdy: “Andersonyň bu ynsanperwer kino eseri şeýle diýýär: Söýgüsiz söweşip bolmaýar. Oýnuň soňy şeýle. Hut şeýle etmek bilen dogruçyllygy we sagdyn pikiri saklap bolýar. Bu geljegi goramagyň we ony üýtgetmegiň ýeke-täk usuly”.
Uilýam Bibbýani (TheWrap), tersine, materialyň artykmaçlygy barada aýtdy: “Pol Tomas Andersonyň bir filme köp adamlaryň susup almaga tapjak zatlaryny sygdyran bolmagy mümkin. Ýöne meniň görýän zadym – üns merkeziniň ýetmezçiligi”.
Şeýle-de, tankytçylar sýužetiň jemgyýetçilik ähmiýetini we filmiň emosional güýjüni belläp, “Bir söweşden soň beýlekiniň” giň gerimli wakany çuň mazmun bilen utgaşdyrýandygyny nygtady.
