Tehnologiýa bazarynda täze enjam – Finger Maus gajeti peýda boldy. Ol kursory stol we halyça bolmazdan gönüden-göni howada dolandyrmaga mümkinçilik berýär diýip, TechSpot habar berýär.
Enjam süýem, orta ýa-da ogulhajat barmaga dakylýar we simsiz syçanjyk ýaly işleýär. Işläp düzüji Maks Eterniti bu konsepsiýanyň üstünde 2010-njy ýyldan bäri işleýär we häzir gurluş bazara çykmaga taýyn.
Finger Maus-yň esasy artykmaçlyklary:
- ·Tekizlik bolmazdan kursory dolandyrmak;
- ·Adaty syçanjyklar bilen deňeşdirilende ýeňil we ekologiýa taýdan arassa;
- ·Sessiz iş;
- ·Kompýuterler, planşetler we smartfonlar bilen gabat gelijilik.
Bu gajet, aýratynam, hereketi çäkli bolan adamlar we garry ulanyjylar üçin peýdaly bolar. Stolda elini hereket etdirmekde ýa-da adaty syçanjygy saklamakda kynçylyk çekýän adamlar üçin barmaga dakylýan enjam amatly çözgüde öwrülýär.
Finger Maus aşakdaky tehniki aýratynlyklary bilen öwnüp biler:
- ·Bluetooth 5.2 arkaly simsiz birikme;
- ·Litiý-polimer akkumulýatoryndan awtonom energiýa;
- ·Windows, macOS, Android we iOS bilen gabat gelijilik;
- ·Ýumşak lukmançylyk silikonyndan ýasalan bolup, barmakda rahat oturýar.
Işläp düzüji kompaniýa Mauswear-yň aýtmagyna görä, bu gurluş fiziki taýdan çäklendirmeleri bolan adamlara sanly işjeňligi saklamaga mümkinçilik berýär. Önümçilik 3D çap usulynyň ulanylmagy bilen gurnaldy, gajet ýeňil we zyýanly däl.
Takyk aýratynlyklar we baha barada maglumat entek ýok, ýöne satuw 2025-nji ýylyň sentýabrynda Indiegogo platformasy arkaly başlar. Bilermenler önümiň üstünliginiň sensorlaryň takyklygyna we enjamyň rahatlygyna bagly boljakdygyny belleýär.
