BMG-niň ýanyndaky Bütindünýä Syýahatçylyk Guramasy (UN Tourism) tarapyndan çap edilen maglumatlara görä, 2025-nji ýylyň birinji ýarymynda syýahat maksatly gezelençleriň sany takmynan 690 milliona ýetip, 2024-nji ýylyň degişli döwri bilen deňeşdirilende, 5% artdy. Bu goşmaça 33 million syýahat gezelenji bolup, halkara syýahatçylygynyň pandemiýadan soň dikelýändigini aňladýar.
UN Tourism-iň bilermenleriniň maglumatyna görä, 2025-nji ýylyň ýanwar-iýun aýlarynda halkara syýahatlaryň sany COVID-den öňki derejesinden takmynan 4% ýokary boldy.
Syýahatçylygyň iň uly ösüşi yklymda syýahatçylaryň akymyny 12% ýokarlandyran Afrikada hasaba alyndy. Demirgazyk Afrikada syýahatçylyk akymy 14%, Saharanyň günortasyndaky ýurtlarda bolsa 11% artdy.
Ýewropa takmynan 340 million syýahatçyny garşy aldy, bu 2024-nji ýylyň birinji ýarymyna garanyňda 4% köp we 2019-njy ýyldakydan 7% ýokary. Ýewropa ugurlarynyň arasynda Fransiýa we Ispaniýa iň meşhur bolup, syýahatçylaryň sany 5% artdy. Merkezi we Gündogar Ýewropada ösüş hasam göze ilip, + 9% boldy, ýöne şonda-da syýahatçylaryň gelişi 2019-njy ýyldakydan 11% pesdir.
Amerika + 3% bilen aram ösüşi gökerdi, ýöne paýlanyşy deň däldi. Günorta Amerikada syýahatlaryň sany 14% ýokarlandy, Merkezi Amerikada bolsa 2% ýokarlandy, ABŞ-a we Kanada syýahatçylaryň sanynyň azalmagy sebäpli Demirgazyk Amerikada ösüş bolmady. ABŞ-ly syýahatçylaryň isleginiň azalmagy sebäpli Karib deňzinde syýahatçylyk akymy azaldy.
Ýakyn Gündogarda halkara syýahatçylyk gezelençleri 4% pese gaçdy, ýöne 2019-njy ýyl bilen deňeşdirilende 29% ýokarlandy, bu bolsa ähli sebitleriň arasynda iň ýokary görkeziji boldy.
Aziýa-Ýuwaş umman sebiti çalt dikelmegini dowam etdirýär. Bu ýerde syýahatçylygyň ösüşi 11% boldy we pandemiýadan öňki döwürden bäri 92% -e ýetdi. Aýratyn güýçli ösüş Demirgazyk-Gündogar Aziýada boldy, bu ýerde syýahatçylyk 20% ýokarlandy.
