17-nji sentýabrda «Arkadag» futbol kluby AFK-2 Çempionlar ligasynyň toparlaýyn tapgyrynda ilkinji duşuşygyny geçirdi. Türkmenistanyň çempiony hem-de AFK Çagyryş ligasynyň ýeňijisi Arkadag şäherindäki öý stadionynda «Andijan» özbek kluby bilen duşuşdy.
Oýun golsuz deňme-deňlikde tamamlandy — 0:0.
«B» topardaky beýleki duşuşykda Kataryň «Al-Ahli»topary bilen Bahreýniň «Al-Haldiýa» toparlary hem şeýle netijäni görkezdi.
Şeýlelikde, bu toparçada çykyş edýän dört klub hem ilkinji tapgyrda bir utukdan gazandy.
Indiki tapgyrda 1-nji oktýabrda «Arkadag» myhmançylykda «Al-Haldiýa» bilen, «Andijan» bolsa öz meýdançasynda «Al-Ahli» topary bilen duşuşar.
