Režissýor Hloýa Çžaonyň “Hamnet” dramasy Torontodaky 50-nji halkara kinofestiwalynda baş baýragyň – tomaşaçylaryň baýragynyň eýesi boldy. Bu barada Variety neşiri habar berýär.
Film ýazyjy Meggi O’Farrelliň 2020-nji ýylda çykan adybir romanyna esaslanýar. Sýužetiň merkezinde dramaturg Uilýam Şekspiriň we onuň aýaly Agnesiň hekaýaty durýar. Olaryň keşplerini Pol Meskal we Jessi Bakli ýerine ýetirdi. Film olaryň Jakobi Jupyň ýerine ýetirmeginde ogly Hamnetiň ölümini nähili başdan geçirýändigini görkezýär.
Tankytçylar filme oňyn baha berdi: onuň reýtingi Rotten Tomatoes platformasynda 88% boldy. Hloýa Çžao üçin bu eýýäm ikinji üstünlik – ol 2020-nji ýylda “Çarwalaryň topragy” (Земля кочевников) filmi üçin hem şol baýraga mynasyp bolupdy (soňra bu film iň gowy film hökmünde “Oskar” baýragyny aldy).
Häzirki festiwalyň saýlama filmleriniň arasynda Gilýermo del Toronyň “Frankenşteýn” we Raýan Jonsonyň “Pyçaklary çykarmak: Oýan, öli” (Достать ножи: Проснись, мертвец) filmleri hem bar.
Şu ýyl tomaşaçylar ilkinji gezek halkara taslamalary üçin aýratyn ses berip bildi. Pak Çhan-ukyň “Başga ýol ýok” (Метод исключения) filmi öňe saýlandy. Ikinji orny Ýoakim Trieriň “Duýgy gummatlygy” (Сентиментальная ценность), üçünji orny Niraž Gaýwanyň “Öýe daňlan” (Привязанный к дому) filmi eýeledi.
