Tokioda ýeňil atletika boýunça dünýä çempionatynda taryhda ilkinji gezek marafonyň ýeňijisi fotofinişiň kömegi bilen kesgitlendi.
Dünýä çempiony Alfons Feliks Simbu (Tanzaniýa) we kümüş baýragyň eýesi Amanal Petros 42,195 km aralygy birmeňzeş wagtda – 2 sagat 9 minut 48 sekuntda ylgap geçdi.
Fotofiniş olaryň arasynda 0,03 sekunt tapawudy hasaba aldy. Gyzykly ýeri, Petros tä pellehana çenli ýaryşyň tutuş dowamynda diýen ýaly öňdebaryjylygy saklady, Simbu diňe ahyrky pursatda ondan öňe geçmegi başardy. Bu Tokiodaky dünýä çempionatynda birinji we ikinji orunlaryň arasyndaky iň az tapawut boldy.
Bürünç medalyň eýesi Iliass Auani (Italiýa) olardan bäş sekunt yza galdy – 2:09.53.
Deňeşdirmek üçin, DÇ-2025-iň beýleki ylgaw aralyklarynda birinji we ikinji orunlaryň arasyndaky tapawut şeýle boldy:
- ·0,05 sekunt – 100 metr, erkekler
- ·0,06 sekunt – 10 müň metr, erkekler
- ·0,15 sekunt – 100 metr, zenanlar.
Fotofiniş marafonyň netijelerini kesgitlemek üçin uly ýaryşda ilkinji gezek ulanyldy. Simbunyň ýeňşi ýeňil atletika boýunça dünýä çempionatynda Tanzaniýa ilkinji altyn medaly getirdi.
