Türkmenistanly karateçiler 21 ýaşa çenli ýetginjekleriň we ýaşlaryň arasynda geçirilen 23-nji Aziýa çempionatynda iki sany bürünç medal gazandylar. Ýaryş Hytaýyň Guandun welaýatynyň şäher etrabynda geçirildi diýip, «Türkmenistan: Altyn Asyr» elektron neşiri habar berýär.
Bütindünýä Karate federasiýasynyň (WKF) we Aziýanyň karate federasiýasynyň guramagynda geçirilen ýaryşa 30 döwletiň 498 türgeni gatnaşdy. Şolaryň arasynda Türkmenistandan 8 türgen bar.
Ilkinji bürünç medaly 16–17 ýaşly ýaşlaryň arasynda 55 kg agramda kumite boýunça çykyş eden Gurbannazar Amandurdyýew gazandy. Ikinji medaly bolsa 21 ýaşa çenli ýaşlaryň arasynda 60 kg agramda kumite boýunça çykyş eden Garamämmet Garamämmedow getirdi.
Iki türgen hem milli ýygyndynyň baş tälimçisi, gara guşagyň 5-nji danynyň eýesi Aýdyn Çaryýewiň ýolbaşçylygynda türgenleşýär.
WKF (World Karate Federation) yklym federasiýalarynyň bäşisine wekilçilik edýän 200 ýurtdan ybarat Bütindünýä Karate federasiýasynyň iňlis dilinde gysgaldylyp alynmasydyr. Häzirki wagtda ol ýüz milliondan gowrak agzasy bolan Halkara Olimpiýa komitetiniň ykrar eden ýeke-täk karate guramasydyr.
