Türkmenistanyň jiu-jitsu boýunça milli ýygyndysy 11–14-nji sentýabr aralygynda Afinada geçirilýän 20-nji Balkan açyk çempionatynda uly üstünlik gazandylar. Ilkinji iki bäsleşik gününde milli ýygyndymyz 21 medal – 8 altyn, 6 kümüş we 7 bürünç medala mynasyp boldy.
Birnäçe türgen birbada birnäçe ýeňiş bilen tapawutlandy. Jelilmuhammet Hojamyradow 94 kilograma çenli agramda «ne waza» we «no gi» boýunça ýeňiş gazanyp, iki gezek çempion boldy. Hurma Abdyýewa 52 kilograma çenli agramda «ne waza» we «no gi» boýunça altyn medal aldy, şeýle hem «fighting» boýunça bürünç we 57 kg agramda ýene bir bürünç medaly gazandy.
Beýleki ýeňijileriň arasynda:
- Guwrat Esenow (69 kg-da altyn, «no gi fighting-de» bürünç),
- Begli Saparow («ne waza» 69 kg-da altyn, «no gi-de» bürünç),
- Suray Gökgaýewa («ne waza» 57 kg-da altyn).
Kümüş medal gazananlar:
- Rahmet Taganow («ne waza» 77 kg we «no gi» 69 kg),
- Parahat Rahmanow («no gi» 62 kg),
- Aýnur Gullyýewa (52 kg agramda «ne waza» we «no gi»).
Bürünç medalçylaryň hatarynda 62 kg agramda üç ugurda çykyş eden Baýram Röwşenow hem bar.
