Angliýanyň Futbol assosiasiýasy (FA) Londonyň “Çelsi” klubuny 74 düzgün bozmasynda aýyplady. Bu barada FA-nyň metbugat gullugy habar berdi.
Assosiasiýanyň maglumatlaryna görä, düzgün bozmalar agentlikleriň, araçylaryň işi we üçünji şahslaryň maýa goýumlary bilen baglanyşykly. Düzgün bozmalaryň köpüsi 2010-2016-njy ýyllarda hasaba alyndy. Klub 19-njy sentýabra çenli aýyplamalara jogap bermeli.
Bellenilişi ýaly, düzgün bozmalar topara işewür Roman Abramowiçiň eýeçilik eden döwri bolup geçdi.
Muňa jogap hökmünde “Çelsiniň” saýtynda 2022-nji ýylda klub satylmazdan ozal täze hojaýynlaryň bolup biljek maliýe we beýleki bozulmalar barada habarly bolandygy aýdylýar. Klub şertnama baglaşylandan soň düzgünleşdiriji edaralara habar berip, resminamalara doly elýeterliligi berendigini we “doly aç-açanlygy” görkezendigini belledi.
Roman Abramowiç “Çelsä” 2003-nji ýyldan 2022-nji ýyl aralygynda eýeçilik etdi. 2022-nji ýylyň maýynda ol ÝB-de we Beýik Britaniýada oňa garşy girizilen sanksiýalardan soň, 4,25 mlrd funt sterlinge amerikaly işewür Todd Býoliniň konsersiumyna satdy. Abramowiçiň ýolbaşçylyk eden döwründe topar 21 kubok, şol sanda Angliýada bäş çempionlyk titulyny, şeýle-de iki Çempionlar ligasyny we Ýewropa ligasyny utdy.
