2026/2027 möwsüminiň Çempionlar ligasynyň finaly Madriddäki “Metropolitano” stadionynda geçiriler. Bu barada Tiranda geçen ýerine ýetiriji komitetiň mejlisiniň jemi boýunça Ýewropanyň futbol assosiasiýalarynyň birleşiginiň (UEFA) saýtynda habar berilýär.
2027-nji ýylda zenanlar ýaryşynyň finalyny Warşawadaky Milli stadion kabul eder. 2026-njy ýylda UEFA-nyň Superkubogy Zalsburgda, şol ýylyň futzal Çempionlar ligasynyň finaly bolsa Pezaro italýan şäherinde geçiriler.
“Metropolitano” stadiony eýýäm Çempionlar ligasynyň aýgytly oýny üçin meýdança bolupdy. 2019-njy ýylda bu ýerde “Liwerpul” “Tottenhemi” 2:0 hasabynda utup, altynjy gezek Ýewropanyň esasy klub ýaryşynda ýeňiji boldy.
Mundan başga-da, UEFA-nyň ýerine ýetiriji komiteti ýewrokuboklaryň düzgünlerine üýtgeşmeleri tassyklady. Indi klublar agyr şikes ýa-da kesel bolan ýagdaýynda sanawdaky bir meýdan oýunçysyny ýaryşyň esasy tapgyrynyň altynjy oýnuna çenli çalşyp biler.
Guramanyň ýerine ýetiriji komitetiniň indiki ýygnagy 3-nji dekabrda Nýonda (Şweýsariýa) meýilleşdirilýär.
