Porsche öndürijisi 992.2 indeksi bilen iň kuwwatly täzelenen 911 Turbo S sportkaryny hödürledi. Esasy üýtgeşme hereketlendirijiniň kuwwatynyň ýokarlanmagy boldy, şeýle-de awtomobiliň daşky görnüşinde käbir täzelenmeler peýda boldy.
911 Turbo S-iň daşky görnüşinde optika gaýtadan işlendi – firma alamatyna öwrülen dört yşyk diodly nokat has inçe we aýdyň boldy, öňdäki bamper sowadyşy gowulandyrmak üçin dik howa ýygnaýjylaryny aldy, yzda täze diffuzor oturdyldy.
Esasy üýtgeşmeler tehniki aýratynlyklara degişli. Awtomobil elektrik turbokompressorly 3,6 litrlik hereketlendirijä eýe boldy. Kuwwat 701 at güýjüne çenli artdyryldy we bu öňki 992.1 modelinden 61 at güýji köpdür. 96 km/sag çenli tizligi artdyrma 2,4 sekunt, 200 km/sag çenli – 8,4 sekunt wagt alýar. Iň ýokary tizlik 320 km/sag ýetýär.
Täzelenen Porsche 911 Turbo S-iň satuwy 2026-njy ýylyň ýazynda ABŞ-da başlar. Carscoops-yň maglumatlaryna görä, kupeniň bahasy 270 300 dollardan, kabriolet – 284 300 dollardan başlaýar.
