Şwesiýada arheologlar Gerstabergdäki Ýerna sebitinden uzakda bolmadyk batgalykda taryhdan ozalky predmetler bilen “wagt kapsulasyny” tapdy diýip, Heritage Daily habar berýär.
Gazuw-agtaryş işleriniň geçirilen ýerinde agaç pürsünden, paýadan ýasalan desgalar we örülen önümler tapyldy, olaryň ýaşy, takmynan, 5 müň ýyla barabar diýlip hasaplanýar.
Alymlar pürsleriň we paýalaryň kölüň uzakdaky ýerlerine barmak üçin ulanylan çylşyrymly ýodalar ýa-da köprüler ulgamynyň düzümine girendigini öňe sürýär. Ähtimal, bu ýollar howdanyň kenarynda ösen oblepihany ýygnamak üçin hyzmat eden bolmaly. Ozal ylmy gözlegler bu miweleriň Ýewropada we Aziýada neolit eýýamynyň awçy-ýygnaýjylary üçin möhüm iýmit çeşmesi bolandygyny görkezdi.
Batgalygyň kislorodsyz gurşawynyň netijesinde organiki galyndylar gowy saklanypdyr. Tapyndylarda hasyly daşamak ýa-da tutulan balyk üçin sebit bolup hyzmat edip bilen örülen önümleriň hem yzlary ýüze çykaryldy.
Mundan başga-da, batgalygyň töweregindäki landşaftyň öwrenilmegi gadymy ojaklaryň we uly bolmadyk desgalaryň üstüni açdy, bu bolsa alymlara şol döwrüň adamlarynyň durmuşyna we hojalyk işine has gowy düşünmäge mümkinçilik berýär.
