Arheologlar Oslo duralgasyndan müňlerçe deri artefaktlary tapdylar. Tapyndylaryň arasynda XIII we XIV asyrlara degişli aýakgap, torbalar, gapjyklar we gylyç gynlary bar diýip, Live Science ýazýar.
Gazuw-agtaryş işleri başlangyç we orta mekdebiň gurulmagy meýilleşdirilýän D2 meýdançasynda geçirilýär. Bu iş gyş we ýaz aýlarynda Norwegiýanyň deňiz muzeýiniň we Norwegiýanyň medeni mirasyň barlaglary institutynyň hünärmenleriniň ýolbaşçylygy astynda başlandy. Bu ýer XIX asyrda kenarlaryna çäge ýazylan Luelwa derýasynyň aýagynda ýerleşýär. Bu bolsa artefaktlaryň ajaýyp ýagdaýda saklanmagyna mümkinçilik beripdir.
Şeýle hem bu ýerden 3000-den gowrak süňk, esasanam iýmit galyndylary tapyldy. Olaryň arasynda it süňkleri hem bar.
Tapyndylar 700 ýyl ozal Oslonyň ýaşaýjylarynyň durmuşy we medeniýeti barada köp gyzykly maglumatlary berýär.
