Braziliýaly işewür “Santos” klubunyň hüjümçisi Neýmara 1 mlrd dollar miras galdyrdy. Bu barada Terra ispan neşiri habar berýär.
Çeşmäniň maglumatlaryna görä, işewür 31 ýaşynda. Onuň ady aýan edilmeýär, ýöne onuň maşgalasynyň we çagalarynyň ýokdugy hem-de saglyk näsazlygyndan ejir çekýändigi belli. Ol 2023-nji ýylda wesýetnama resmileşdirdi, oňa laýyklykda onuň ähli emlägi braziliýaly futbolça geçer.
Bellenilişi ýaly, mirasa gozgalmaýan emläk, maýa goýumlar we kompaniýa paýnamalary girer. Işewür Neýmaryň oýnundan lezzet alýandygyny we oňa şahsyýet hökmünde hormat goýýandygyny aýtdy. Mundan başga-da, ol türgeniň ykbalynyň köp babatda özüniňkä meňzeşdigini belleýär.
Ýatlap geçsek, Neýmaryň “Santos” bilen häzirki şertnamasy şu ýylyň ahyryna çenli hereket edýär.
