Meta kompaniýasy iPadOS üçin resmi taýdan Instagram programmasyny çykardy. Ol eýýäm App Store-da ýüklemek üçin elýeterlidir. Ozal Apple planşetlerini ulanyjylar sosial ulgamyň diňe iPhone üçin çykarylan wersiýasyndan peýdalanýardy, bu hem 2010-njy ýylda ilkinji iPad çykaly bäri ony ulanmakda amatsyzlyk döredipdi.
9to5Mac-yň maglumatlaryna görä, programma dynç alyş kontentine üns bermek bilen uly ekranlar üçin doly gaýtadan işlendi. Programma işe girizilende ulanyjy derrew Reels bölümine düşýär we bu ýerde wertikal wideolara tomaşa etmek has oňaýly. Storisler we messenjer interfeýsiň ýokarky böleginde ýerleşdirildi, çatlara bolsa bir gezek basmak arkaly geçip bolýar.
Täze wersiýada “Ýazylyşyk” bölüminde üç lenta: “Hemmesi” (teklip edilen publikasiýalar we yzarlanýan akkauntlardan Reels), “Dostlar” (özara agza bolanlaryň kontenti) we “Soňkular” (soňky publikasiýalar) bar. Ulanyjy öz islegine görä bu lentalaryň görkeziliş tertibini sazlap biler.
Şahsy habarlar we habarnamalar bilen işlemek üçin köp sütünli maket göz öňünde tutuldy. Indi bir wagtyň özünde çatlaryň sanawyny we söhbetleri görmek bolýar.
iPad üçin Instagram-yň çykmagy birnäçe aý mundan ozal resmi WhatsApp programmasy çykarylandan soň Meta-nyň ikinji uly relizi boldy.
