BMW awtoöndürijisi Toyota bilen bilelikde döredilen üçünji nesil täze wodorod hereketlendirijisiniň suratyny hödürledi. Onuň yzygiderli önümçiligine 2028-nji ýylda başlamak meýilleşdirilýär. BMW-niň Mýunhendäki we Ştaýrdaky merkezleri eýýäm ilkinji prototipleri ýygnamaga girişdi.
BMW AG-yň täze ulgamyň döredilmegine gözegçilik edýän dolandyryş geňeşiniň agzasy Ýoahim Post wodorod hereketlendirijisiniň kompaniýanyň portfeline nol zyňyndylary bolan ýene bir ýokary öndürijilikli herekete getiriji ulgamy goşjakdygyny belledi.
Bu awtomobilleriň atmosfera zyýanly gazlar bolmazdan işlejekdigini, ýöne şol bir wagtyň özünde tiz we ygtybarly boljakdygyny aňladýar.
Täze wodorod hereketlendirijisi üçin herekete getiriji ulgamy BMW Group bilen Toyota bilelikde döredýär. Onuň esasy aýratynlyklarynyň arasynda şular bar:
- ·Ykjamlyk: ýangyç elementleriniň meýdany, takmynan, 25% azaldy, şonuň netijesinde hereketlendiriji öňki nesil bilen deňeşdirilende has ykjam boldy.
- ·Ýokary integrasiýa: hereketlendiriji dürli awtomobil modellerine aňsatlyk bilen gurnalýar, bu hem wodorody dürli ulaglarda benziniň, dizeliň we elektrigiň deregine ulanmaga mümkinçilik berer.
- ·Optimizasiýa we netijelilik: ýol ätiýaçlygy we kuwwat artdyryldy, ýangyjyň sarp edilişi ikinji nesil ulgam bilen deňeşdirilende azaldyldy.
Häzirki wagtda prototipler ýygnalýar we synagdan geçirilýär. Olar hem aýratyn, hem bellibir awtomobilleriň düzüminde synalýar. BMW hile, önümçilik mümkinçiliklerine we seriýaly çykarmaga taýýarlyga uly üns berýär.
