Hytaýda Guýçžou welaýatynyň Huaszýan Uly kanýonynyň üstünden geçýän täze asma köpriniň soňky synaglary tamamlandy. Gurluş 625 metr belentlikde ýerleşýär we uzynlygy 2980 metrdir.
Bu köpri Lýuçži we Anlun etraplaryny birleşdirýär we kanýonyň üstünden geçmegiň wagtyny 1 sagat bolanlygyndan 1 minut 30 sekunda çenli gysgaldýar.
Berkligini synagdan geçirmeklik awgust aýynyň ahyrynda bolup, bäş gün dowam etdi. Jemi agramy 3300 tonnadan geçýän 18, 49 we 96 sany ýük ulagy tapgyrlaýyn köprüden geçdiler. Ulagyň hereketiň hakyky şertlerini gaýtalamak üçin ulaglar dürli tizlikde hereket etdiler, saklandylar we tormoz tutdular. Ýükli ýagdaýdaky halyny bellige almak üçin gurluşyň uzaboýuna datçikler oturdyldy.
Köpriniň resmi açylyşy 2025-nji ýylyň sentýabr aýynyň ahyryna meýilleşdirilýär. Işe girizilenden soň onda aýnadan pyýada ýörelgesi, şeýle hem banji-jamping we paraplanerizm üçin meýdançalar peýda bolar. 625 metr beýiklik syýahatçylara sözüň göni manysynda Beýpan derýasynyň depesindäki bulutlaryň üstünde ýöremäge we bökmäge mümkinçilik berer.
Şol bir wagtyň özünde, barlagçylar Ginnesiň Rekordlar kitabyna görä dünýä rekordynyň henizem Fransiýadaky Miýo wiaduky boljakdygyny bellediler, bu ýerde beýiklik gurluşy saklaýjynyň çür başyndan aşaky açyk bölegine çenli ölçenilýär.
