Orlandoda geçirilen Destination D23 çäresinde Disney-iň prodýuserleri “Buz eýýamy: Gaýnama nokady” multfilminiň ilkinji görkeziljek senesini yglan etdiler. Film 2027-nji ýylyň 5-nji fewralynda görkeziler diýip, Variety habar berýär.
Baş gahrymanlar ýene-de mamont Menni, ýalta Sid, gylyç dişli gaplaň Diego, mamont Elli we belka Skrat bolar. Resmi düşündirişe görä, gahrymanlar Ýirilen dünýäde "dinozawrlardan we lawalardan doly" täze başdangeçirmeleri başdan geçirerler.
Ses bermeklige öňki bölümlerden tomaşaçylara tanyş bolan aktýorlar: Saýmon Pegg, Reý Romano, Jon Leguizamo, Kuin Latifa we Deni Liri dagy gatnaşar. Film ilkibaşda 2026-njy ýylda Roždestwo güni goýberilmegi meýilleşdirilipdi.
“Buz eýýamy: Gaýnama nokady” seriýanyň altynjy doly metražly bölegi we Disneý franşizany döreden studiýa Blue Sky-y alandan soň çykan ilkinji film bolar.
Animasiýa seriýasynyň birinji bölümi 2002-nji ýylda çykypdy we dünýäde 383,3 million dollar girdeji gazanypdy. Umuman alanyňda, franşizanyň çäklerinde 6 sany doly metražly film (2022-nji ýylda döredilen “Bakyň başdan geçirmeleri” spin-off-yny nazarda tutmak bilen) we 7 gysga metražly film (olaryň biri iki bölekde goýberildi), birnäçe wideo oýunlary we 10-a golaý dürli kitap we komiksler çykaryldy. Meşhur franşizanyň esasynda 2016-njy ýylda 20th Century Fox World -yň çäklerinde Malaýziýada tematiki seýilgäh açyldy.
