Orlandoda D23 Destination-niň tanyşdyrylyş dabarasynda Walt Disney Animation Studios “Hexed” (“Jadylanan” (“Заколдованный”)) atly özboluşly animasiýa filmini taýýarlaýandygyny habar berdi. Onuň ilkinji görkezilişini 2026-njy ýylyň 26-njy noýabrynda geçirmek meýilleşdirilýär diýip, Deadline habar berýär.
Ýordum bir ýetginjegiň we onuň ejesiniň töwereginde ýaýbaňlanýar. Tizara oglanyň jady bilen baglanyşykly bolmagy mümkin üýtgeşik häsiýetleri açylyp başlaýar. Film barada jikme-jiklikler entek açylmady.
Taslama “Zweropolisiň” üstünde işlän Jozi Trinidad we “Moana 2-ni” surata düşüren režissýor Jeýson Hend ýolbaşçylyk eder. Roý Konli bilen Huan Pablo Reýes Lankaster-Hons prodýuser bolar.
Şol çärede Disney “Buzluk döwri: Gaýnama nokady” (“Ледниковый период: Точка кипения”) multfilminiň - meşhur franşizanyň altynjy böleginiň çykjak senesini hem yglan etdi. Film 2027-nji ýylyň 5-nji fewralynda ekranlara çykar. Gysga beýanda täze başdan geçirmäniň Ýitirilen dünýäniň açylmadyk künjeklerine eltjekdigi bellenilýär.
Mundan başga-da, Disney Branded Television teleýaýlymy tarapyndan “Kowen Akademiýasy” serialynyň goýberiljekdigi belli boldy. Waka Täze Orleanda ýaýbaňlanar we şäheri erbetlikden goramaly, şol bir wagtyň özünde ulalmaklygyň, dostlugyň we ilkinji söýginiň kynçylyklaryna duçar boljak üç sany ýaş jadygöý hakda gürrüň berer.
