Ýerde 2-nji sentýabra geçilen gije magnit tupanlary başlady. Olar azyndan bir gün dowam eder diýip, RYA-nyň Kosmos gözlegleri institutynyň we Gün-Ýer fizikasy institutynyň Gün astronomiýasy barlaghanasynyň metbugat gullugy habar berýär.
Hünärmenler günüň dowamynda geomagnit indeksiniň ýokarlanjakdygyny we tupanlaryň G2-G3 derejä ýetjekdigini belleýär. Polýar şöhlelenmeleriniň esasy zolagy Skandinawiýada we Kanadada emele geler.
Häzir geomagnit ýagdaýy ýumşak bolup, ol planetara magnit meýdanynyň tupanlaryň we demirgazyk şöhlelenmeleriniň peýda bolmagyny saklaýan oňyn ugry bilen baglanyşyklydyr. Ýöne günüň ortasynda magnit meýdanynyň ugry üýtgär we ýagdaýy saklajak şertler bolmadyk ýagdaýynda geomagnit tupany G3 derejä ýeter.
Magnit tupanlarynyň derejesi G1-den (gowşak) G5-e çenli (aşa güýçli) üýtgeýär. G3 derejeli tupanlar hem güýçli hasaplanýar we hemralaryň işinde, energetikanyň gorag ulgamynda, radioaragatnaşygynda we nawigasiýada bökdençliklere getirip bilýär.
Tupanlaryň sebäbi Gün alawlamalary we Ýere tarap plazmalaryň zyňylmagy boldy. Bu hadysa RYA-nyň alymlary tarapyndan 31-nji awgusta geçilen gije hasaba alyndy. Bu soňky bir günde Gün maddasynyň ikinji zyňyndysy boldy we ol soňky günlerde Gün işjeňliginiň ýokarlanmagy bilen baglanyşyklydyr.
