SpaceX kompaniýasynyň Starlink hemra internet ulgamy taryhy görkezijä ýetdi – ol 7 milliondan gowrak ulanyjyny birikdirip, 150 ýurdy we sebiti gurşap aldy.
Ulgam 200 Mbit/s çenli tizligi we gijikdirmeleriň pes bolmagyny üpjün edýär, bu bolsa kabel ýa-da optiki süýüm birleşmesiniň elýeterli däl ýa-da has gymmat bolan sebitlerinde internete birikmäge mümkinçilik berýär.
Starlink pes orbitada 8 000 hemradan ybarat toplum arkaly işleýär. Olar durnukly hereket edip, uzakdaky sebitleriň ýaşaýjylaryna şäherler bilen deň derejede internete elýeterli bolmaga mümkinçilik berýär.
Häzirki günde Starlink interneti ABŞ-da, Kanadada, Ýewropa ýurtlarynyň köpüsinde, Awstraliýada we Saharadan günortadaky Afrika döwletleriniň birnäçesinde elýeterli. Kompaniýa geografiýanyň giňelmegini dowam etdirjekdigini belleýär.
Internet ulgamynyň ösmegine önümçilik depgininiň ýokary bolmagy ýardam edýär. SpaceX her hepde 70 töweregi hemra çykarýar, bu bolsa ýylda 3 500-den gowrak enjama deňdir. Bu toplumyň üstüni ýetirip durmaga we global internet üpjünçiligini saklamaga mümkinçilik berýär.
