15-nji sentýabrda irden Ilon Maskyň SpaceX kompaniýasy tarapyndan dolandyrylýan Starlink hemra aragatnaşyk ulgamy işlemegini bes etdi. Bu belli internet çeşmeleriniň işindäki bökdençlikleri yzarlaýan Downdetector hyzmatynyň maglumatlaryndan gelip çykýar.
Bütin dünýäde ulanyjylar Starlink-iň elýeterli däldiginden zeýrenýär. Nägilelikleriň aglabasy (60%) internetiň işleýşindäki näsazlyklar bilen baglanyşykly bolsa, ulanyjylaryň 39%-i aragatnaşygyň doly kesilendigini habar berýär, galan 1%-i Internet ulgamyna birikmekde kynçylyk çekýär.
Bökdençlikleri kompaniýanyň özi hem tassyklady we meseläni çözmegiň üstünde işlenýändigini aýtdy.
Soňky gezek ulgamyň işinde köpçülikleýin näsazlyk 24-nji iýulda bolup geçdi. Şol wagt Starlink meseläni “esasy içerki programmalaryň işlemegini bes etmegi” bilen düşündirdi.
