Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär.
Dinozawrlaryň süňkleri Uaýt adasynda tapyldy. Istiorachis macarthurae ol ýerde başga bir iguanodon garyndaşlary – giçki ýura eýýamyndan irki hek döwrüne çenli ýaşan ot iýýän dinozawrlar bilen bilelikde ýaşapdyr.
Alymlar entek dinozawryň arkasynda nädip ýelken şekiliniň emele gelendigini takyk bilenok. Ýöne ol, tawus guşlarynyň guýruklaryny ulanyşy ýaly, jübütleşmek üçin taý tapmaga we garyndaşlaryny tanamaga kömek edendir diýlip çaklanylýar.
Dinozawryň boýy iki metr töweregi, agramy 1000 kg bolupdyr.
Ylmy gözlegiň awtorlarynyň biri Jeremi Lokwudyň aýtmagyna görä, Uaýt adasynda iguanodonlaryň täze wekiliniň açyşy sebitiň irki hek döwründe örän köpdürli bolandygyny görkezýär.
Alym ýakyn ýyllarda täze açyşlaryň boljakdygyny belleýär.
