SpaceX kompaniýasy Starship kosmos gämisiniň onunjy synag uçuşyny yza süýşürdi. Näsazlyk Günorta Tehasda ýerleşýän Starbase kosmodromynyň ýerüsti ulgamlarynda ýüze çykaryldy. Meseleleri çözmek üçin goşmaça wagt gerek bolandygy sebäpli uçuş yza süýşürildi.
Uçuş bir sagatlyk uçuş üçin açyk penjiräniň çäginde meýilleşdirilipdi, emma onuň açylmagyna 17 minut galanda yza süýşürmek karary kabul edildi. Näsazlygyň jikme-jikleri aýan edilmedi.
Uçuşuň yza süýşürilmegi Starship synag maksatnamasynda nobatdaky päsgelçilik boldy. 2025-nji ýylda bolan öňki uçuşlar hem şowsuz tamamlandy, hatda partlamalar hem bolup geçdi.
Şol bir wagtyň özünde SpaceX-iň baş direktory Ilon Mask bu ýagdaýlara optimistik garaýar. Ol ýakyn geljekde uçuşlaryň ýygylygynyň bir günde 24-e çenli ýetip biljekdigini, işjeň ýagdaýda bolsa kompaniýanyň günde takmynan 10 uçuş amala aşyrmak meýliniň bardygyny belläpdi.
