Netflix akym hyzmaty täze funksiýany hödürledi: indi ulanyjylar ýörite ýyldyzlar boýunça saýlanan filmleriň we seriallaryň sanawyny tapyp biler diýip, Variety neşiri habar berýär.
Sünbüle, Eset we Akrap üçin ilkinji saýlamalar geljek dynç günlerinde platformanyň agzalarynyň baş sahypalarynda peýda bolar. Bu 23-nji awgustdan 22-nji sentýabr aralygynda dowam etjek Sünbüle möwsüminiň başlanmagyna gabat getirildi.
Netflix täze ýygyndylar tomaşaçylara özi üçin katalogda täze we gyzykly bir zady tapmaga kömek eder diýip pikir edýär. Olaryň arasynda “Ägä boluň, Merkuriý retrogradda” atly aýratyn sanaw hem bolar.
Ýygyndylaryň tematikasy astrologiýa ruhundaky atlara eýe boldy:
- ·“Sünbüle elmydama hysyrdyly”
- ·“Mizan söýgüde we söweşde adalatly oýnaýar”
- ·“Akrap syrlardan lezzet alýar”
- ·“Kowus başdangeçirme döredýär”
- ·“Jedi başlyk režimine geçýär”
- ·“Daluw – başga bir dünýäniň jandary”
- ·“Hut arzuwlary hasyl edýär”
- ·“Hamal bulam-bujarlygy we bäsdeşligi gowy görýär”
- ·“Sowur – kompaniýanyň ýüregi”
- ·“Jöwza çaý dökýär”
- ·“Seretan, islese, aglar”
- ·“Esetde baş gahrymanyň energiýasy bar”.
Mysal üçin, Jöwza üçin saýlamalarda “Brijertonlar” bolar. Seretanlara bolsa “Jinni we Jorjiýany” we “Gyzlar Gilmory” görmek teklip ediler. Esetler “Emili Parižde” we “Täç”, Kowuslar bolsa “Diri galmak” we “Ýura eýýamynyň seýilgähi” filmlerine tomaşa edip biler.
