21-nji awgustda ABŞ-nyň Döwlet departamenti amerikan wizalary bolan 55 milliondan gowrak daşary ýurtlynyň migrasiýa kanunyň düzgünlerini bozup bilendigini ýa-da ýokdugyny barlar. Bu barada Associated Press agentligi habar berýär.
Edara ABŞ-nyň wiza eýeleriniň düzgünleri berjaý edişini “yzygiderli” barlaýandygyny belledi. Hususan-da, adamyň wiza boýunça galmak möhletini geçirmändigine seredilýär hem-de onuň jenaýat işi ýa-da terrorçylyk bilen baglanyşygynyň bardygy ýa-da ýokdugy anyklanýar. Düzgün bozma ýüze çykarylan ýagdaýynda wiza ýatyrylýar, eger daşary ýurtly ABŞ-da bolsa, ol deport edilýär.
Döwlet departamentiniň maglumatlaryna görä, 2025-nji ýylyň ýanwarynda Prezident Donald Tramp wezipä girişenden bäri güýji ýatyrylan wizalaryň sany geçen ýylyň degişli döwründäkiden iki esse köp boldy. Aýratynam, talyp wizalaryny ýatyrmagyň sany dört esse artdy.
Ozal awgustda edara alty müňden gowrak talyp wizasynyň ýatyrylandygyny habar berdi. Onuň sebäbi ýurtda galmagyň möhletiniň gutarmagy, şeýle-de serhoş görnüşde ulag dolandyrmak ýaly dürli düzgün bozmalar boldy.
