Ýaponiýanyň SoftBank maliýe konglomeraty Intel amerikan mikroprosessor öndürijisine 2 mlrd dollar maýa goýýar. Bu barada The Wall Street Journal neşiri habar berýär.
SoftBank kompaniýanyň altynjy uly paýdary boldy. Ol her paý üçin 23 dollar baha bilen Intel-iň täze paýnamalaryny satyn alar, bu bazar bahasyndan arzandyr. SoftBank dünýäde iň uly prosessor öndürijileriniň biriniň geljekki ösüşine bil baglaýandygyny belledi.
Maýa goýum ABŞ-nyň hökümetiniň Intel-de 10 göterim paýy satyn almagy meýilleşdirýändigi baradaky habar peýda bolan wagtlary gelip gowuşdy. Soňky ýyllarda kompaniýa AMD bilen tehnologiýa ýaryşynda we emeli aň üçin çip bazarynda yza galýandygy sebäpli öz ornuny ýitirýär. Soňky bazarda TSMC agdyklyk edýär.
Dowam edýän çökgünligiň netijesinde Intel-iň baş direktory Pet Gelsinger wezipeden gitdi. Ol kompaniýada 40 ýyl töweregi işläpdi. Şeýle-de, kompaniýa çykdajylary azaldyp, işgärler ştatyny-da azaltmaga mejbur boldy.
Ýylyň başyndan bäri SoftBank-yň paýnamalary 75%-den gowrak gymmatlady.
