Microsoft korporasiýasy KB5063878 belgisi bilen Windows 11-iň hökmany täzelenmesini çykardy. Windows Latest-iň habar bermegine görä, onuň esasy täzeligi Windows işe girizilen wagty näsazlyk ýüze çykan halatynda ulgamy dikeltmek üçin niýetlenen Quick Machine Recovery funksiýasy boldy.
Eger täzelenme ýa-da programma gurnalandan soň kompýuter işlemän, ýalňyşlyk ekranynda (BSOD) ýa-da menýuda doňýan bolsa, täze funksiýa maglumatlary ýitirmezden, Windows-yň işe ukyplylygyny dikeltmäge mümkinçilik berer. Quick Machine Recovery ulgamy awtomatik taýdan täzeden işe girizip, operasion ulgamy gaýtadan gurnamak ýa-da ätiýaçlykdaky nusgany ulanmak zerurlygy bolmazdan ony dikeldýär.
Neşiriň maglumatlaryna görä, bu funksiýa Microsoft-yň ýakynda üçünji tarap programmalary sebäpli bolup geçen köpçülikleýin näsazlyga jogaby boldy. Ol Windows 11-iň durnuklylygyny ýokarlandyrmaga gönükdirilendir. Dikeldiş ulanyjy faýllaryny we sazlamalary bozmazdan, gönüden-göni kompýuteriň özünde ýerine ýetirilýär.
KB5063878 täzelenmesi eýýäm Windows Update arkaly ýaýradylýar we awtomatik usulda gurnalýar.
