FIFA 2029-njy ýyldan başlap Klublaýyn dünýä çempionatyny her iki ýyldan bir gezek geçirmegi ara alyp maslahatlaşýar diýip, The Guardian neşiri habar berýär.
Bu teklip ilkibaşda “Real” kluby tarapyndan orta atyldy. Ýakynda geçirilen ýaryşa gatnaşmadyk birnäçe toparlar bolan — “Liwerpul”, “Barselona”, “Napoli” we “Mançester Ýunaýted” hem başlangyjy goldaw çykyş etdi.
Şeýle hem teklipleriň hatarynda ýaryşa gatnaşýan toparlaryň sanyny 32-den 48-e çenli artdyrmak we bir ýurtdan diňe iki klubyň gatnaşmagyna rugsat berýän çäklendirmäni ýatyrmak mümkinçiligi hem bar.
Şol bir wagtyň özünde, FIFA ýaryşlaryň diýseň ýygy bolýandygy baradaky tankytlary gowşatmak maksady bilen iýun aýyndaky milli ýygyndylaryň oýunlaryny geçirmezlik mümkinçiligini hem göz öňünde tutýar. Ýöne şeýle çözgüde UEFA garşy çykyp biler, sebäbi gurama şol wagtlarda Milletler ligasynyň final tapgyryny geçirýär.
