Volkswagen we Xpeng awtoulaglaryň elektron arhitekturasy boýunça bilelikdäki işini giňeltjekdiklerini habar berdiler. Öň ol diňe Hytaý üçin niýetlenen CMP we MEB platformalaryndaky elektrik ulaglary üçin ulanylýardy, indi ony plagin gibridleri we şol ýurtda satylýan benzin hereketlendirijili awtoulaglar üçin ulanmak meýilleşdirilýär.
Kompaniýalar 2023-nji ýylda hyzmatdaşlyk edip başladylar. 2024-nji ýylda olar China Electronic Architecture-ni (CEA) döretmek barada şertnama baglaşdylar. Arhitekturanyň täze wersiýasy programma üpjünçiliginiň täzelenmesini çaltlaşdyrar, işläp taýýarlamanyň wagtyny azaldar we modelleriň bäsdeşlige ukyplylygyny ýokarlandyrar.
Volkswagen-iň aýtmagyna görä, bitewi arhitektura gerimli täsiri üpjün eder we özüne düşýän gymmaty peselder, bu bolsa Hytaýyň bäsdeşlik bazarynda has amatly awtoulaglary hödürlemäge mümkinçilik berer. Bilermenler CEA-nyň dürli güýç gurluşlarynda ulanylmagynyň Hytaýda täze awtoulaglaryň segmentine täsir edip, olaryň işleýşini we tehniki derejesini ýokarlandyryp biljekdigini bellediler.
