Halkara ynsanperwer ylymlary we ösüş uniwersitetinden bir mugallym we bäş talyp 3–9-njy awgust aralygynda Malaýziýanyň öňdebaryjy ýokary okuw mekdepleriniň biri bolan Malaýa uniwersitetinde «Future is Now» atly tomusky okuw maksatnamasyna gatnaşdylar. Bu barada Türkmenistanyň Bilim ministrligi habar berýär.
Maksatnamanyň dowamynda ýaşlar halkara derejesindäki döwrebap tejribeler, innowasiýalar we döredijilik mümkinçilikleri bilen ýakyndan tanyşdylar, täze bilimleri we ukyplary özleşdirdiler.
Bu möhüm başlangyç, Halkara ynsanperwer ylymlary we ösüş uniwersiteti bilen Malaýa uniwersitetiniň arasynda 2024-nji ýylyň 18-nji dekabrynda gol çekilen Özara düşünişmek baradaky Ähtnamanyň üstünlikli durmuşa geçirilmeginiň netijesidir. Bu Ähtnama ýokary okuw mekdepleriniň arasynda talyp we mugallym alyş-çalyşyny, bilelikdäki ylmy-barlag işlerini we bilim ulgamynda hyzmatdaşlygy giňeltmegi maksat edinýär.
