Astronomlar Uly partlamadan 900 million ýyl geçensoň emele gelen galaktikany tapdylar. Şekiline görä, oňa "kosmiki üzüm" ady berildi diýip, National Radio Astronomy Observatory-daky makalada aýdylýar.
“Habbl” teleskopynyň ilkinji suratlarynda galaktika bulaşyk ýaly görünýärdi, ýöne täze tehnologiýalar azyndan 15 sany äpet ýyldyz emele getirýän toparyň aýlanýan ulgamyny synlamaga mümkinçilik berdi. Alymlar häzirki zaman nazary modelleriniň şol döwrüň bir aýlanýan galaktikasynda beýle köp sanly ýyldyz üýşmegini görkezmändigini aýdýarlar.
Obýekt dartyş güýjüniň linzasy arkaly ýüze çykaryldy. Bu hadysada öňdäki galaktikalar topary has uzakdaky obýektleriň ýagtylygyny güýçlendirýär. Muny öwrenmek üçin astronomlar “Jeýms Uebb” teleskopynyň we ALMA radio teleskoplarynyň güýjüni birleşdirdiler. Gözegçilikler jemi 100 sagatdan gowrak wagtlap alnyp baryldy.
