ESPN portaly Ýewropanyň iň gowy 30 futbol tälimçisiniň reýtingini hödürledi. Birinji orny ispaniýaly hünärmen, fransuz “Pari Sen-Žermeniniň” baş tälimçisi Luis Enrike eýeledi.
Awtorlar reýting düzülende tälimçiniň ussatlygy, stili, topary dolandyryşy, aragatnaşyklary, üstünlikleri we haýran galdyrmak, täze pikirleri döretmek we şowsuzlyklardan soň dikelmek ukyby göz öňünde tutuldy. Her bir hünärmen 100 bal şkalasy boýunça bahalandyryldy.
Reýtingde bir ýyldan bäri topara ýolbaşçylyk etmeýän tälimçiler, şeýle-de milli ýygyndylaryň halypalary göz öňünde tutulmady.
Luis Enrike geçen möwsümde “PSŽ” bilen Çempionlar ligasyny, Fransiýanyň çempionatyny, Kubogyny we Superkubogyny utdy. Eýýäm täze möwsümiň öňüsyrasynda bolsa "Tottenhem" bilen oýunda ýeňiş gazanyp, UEFA-nyň Superkubogyny aldy.
Reýtingde ikinji orny niderlandly hünärmen Arne Slot eýeledi. Ol özi üçin ilkinji möwsümde “Liwerpuly” Angliýanyň premýer-ligasynda ýeňşe getirdi.
Üçünji orunda “Mançester Sitiniň” çökgünligi başdan geçirýändigine we geçen möwsümde ýekeje-de kubok almandygyna garamazdan, iňlis klubunyň baş tälimçisi Hosep Gwardiola ýerleşdi.
ESPN boýunça Ýewropanyň iň gowy tälimçileriniň onlugy:
- ·Luis Enrike (Ispaniýa, “PSŽ”)
- ·Arne Slot (Niderlandlar, “Liwerpul”)
- ·Hosep Gwardiola (Ispaniýa, “Mançester Siti”)
- ·Habi Alonso (Ispaniýa, “Baýer”)
- ·Hans-Diter Flik (Germaniýa, “Barselona”)
- ·Mikel Arteta (Ispaniýa, “Arsenal”)
- ·Antonio Konte (Italiýa, “Napoli”)
- ·Simone Indzagi (Italiýa, “Al-Hilýal”, öň “Inter”)
- ·Jan Pýero Gasperini (Italiýa, “Roma”)
- ·Ernesto Walwerde (Ispaniýa, “Atletik”).
