BYD Hytaýda umumy kuwwaty 3019 at güýji bolan Yangwang U9 Track Edition elektrik giperkaryny hasaba aldy. Model baradaky jikme-jik maglumatlar we suratlar hytaý düzgünleşdirijisiniň katalogynda peýda boldy.
Track Edition wersiýasy kuwwaty 960 kWt-dan 2220 kWt-a çenli güýçlendirilen Yangwang U9 sport awtoulagynyň binvadynda döredildi. Dört tekeriň hersi aýratyn 555 kWt-lyk elektrik hereketlendirijisi bilen herekete gelýär. Iň ýokary tizlik sagatda 350 km bilen çäklenýär. Kuwwaty artdyrmagyň esasy maksady tizlenme dinamikasyny gowulandyrmak bolup biler. Görnüşine görä, BYD Xiaomi-iň sport ýollaryndaky gazananlaryny yzda galdyryp, öz modeline «iň çalt elektrik awtoulagy» diýilmegini maksat edinýär. Şol bir wagtyň özünde, Yangwang U9-nyň adaty wersiýasy sagatda 392 km tizlige ýetipdi, şonuň üçin has güýçli wersiýasy öňki nusganyň netijesini artdyrmaly.
Agramy azaltmak üçin awtoulag uglerod süýümli üçegi, stasionar antiganady we giňeldilen aerodinamiki obwesi aldy. Goşmaça töleg bilen antiganady elektrikli ykjam görnüşine çalşyp bolýar. Awtoulagyň ulanmaga doly taýýar ýagdaýdaky agramy — 2480 kg, doly agramy — 2630 kg.
Model 80 kWt·s LFP batareýa bilen enjamlaşdyrylan, tygşytly režimde ýöreýiş ätiýaçlygy CLTC sikline görä 450 km. 500 kWt-a çenli kuwwatly çalt zarýad bermegi goldaýar, bu bolsa 10 minutda zarýady 30%-den 80%-e çenli doldurmaga mümkinçilik berýär. «Trek» wersiýasy her teker üçin garaşsyz dolandyryş ulgamly asma ulgamyny saklady.
Bazara çykjak wagty we bahasy entek belli däl. Adaty Yangwang U9 Hytaýda 231 müň dollara satylýar, bu bolsa meňzeş Lotus we Rimac giperkarlaryň bahasyndan ep-esli arzan.
