Apple TV+ “Näletlenenleriň adasy” (Остров проклятых), “Nýu-Ýorkuň bandalary” (Банды Нью-Йорка) we “Taksi sürüjisi” (Таксист) ýaly filmleri düşüren režissýor Martin Skorseze barada “Martin Skorseze” dokumental mini-serialynyň treýlerini hödürledi. Taslamanyň premýerasy 17-nji oktýabrda bolar.
Serial bäş bölümden ybarat bolup, Skorsezeniň özi bilen söhbetdeşliklere, şeýle-de onuň ýakynlary, dostlary we hemişelik kärdeşleri bilen ozal neşir edilmedik gürrüňdeşliklere esaslanýar. Gatnaşyjylaryň arasynda Robert De Niro, Leonardo DiKaprio, Mik Jagger, Stiwen Spilberg, Deniel Deý-Lýuis, Şeron Stoun, Jodi Foster, Margo Robbi we beýlekiler bar.
Taslama režissýoryň durmuşy tejribesiniň onuň döredijiligine nähili täsir edendigi barada gürrüň berer.
Serialyň režissýory Rebekka Miller boldy. Ony düşürmek üçin Skorseze oňa şahsy arhiwinden peýdalanmaga rugsat berdi. Önümçilik bäş ýyl dowam etdi.
Şol bir wagtyň özünde, Skorsezeniň özi “Aldeas – A New Story” dokumental filmini çykarmaga taýýarlanýar. Ol merhum Rim papasy Fransisk bilen bilelikde döredildi. Film bütindünýä bilim hereketiniň çäklerinde papanyň alyp baran işleri barada gürrüň berer.
