Fransiýanyň Prezidenti Emmanuel Makron 73 ýaşly gazet satyjysy Ali Akbary Respublikanyň ikinji ýokary baýragy bolan Hormat ordeni bilen sylaglamak barada yglan etdi. Bu barada The Times neşiri habar berdi.
Ali Akbar Pariždäki Plýas-Sen-Sýulpis meýdanynda şäherde belli kafe Cafe de la Mairie-niň ýanynda işleýär. Ol özüni Fransiýada iň soňky köçe gazet satyjysy diýip atlandyrýar. Asly Pakistanyň Rawalpindi şäherinden bolan bu adam Le Monde gazetini bu ýerde 1970-nji ýyllardan bäri satýar.
Prezident Makronyň hut özi Ali Akbar bilen ýakyndan tanyş. 1990-njy ýyllaryň ahyrynda talyp hökmünde geljekki döwlet Baştutany ondan yzygiderli gazet satyn alýardy. Akbaryň aýtmagyna görä, Makron, köplenç, Latyn kwartalynyň binalarynda oňa çakyr hödür edýärdi.
Satyjy özi üçin esasy girdejiniň käwagt 20 ýewro ýetýän hemişelik müşderilerden alýan çaý puludygyny belleýär. Her bir gazet üçin onuň bahasyndan ýarysyny alyp galýar – bir ekzemplýar üçin 3,80 ýewro.
Ali Akbary Hormat ordeni bilen sylaglamak dabarasy şu ýylyň sentýabrynda geçiriler.
