33 ýaşly şotlandiýaly BMX türgeni Kriss Kaýl Red Bull Racing toparynyň goldawy bilen, ilkinji gezek hereket edýän Formula-1 bolidiniň üstünden welosiped bilen böküş ýerine ýetirdi. Bu adaty bolmadyk we töwekgelçilikli tilsimiň wideosy internete paýlaşyldy.
Türgeniň sözlerine görä, bu böküş ideýasy onda iki ýyl öň döräpdir, taýýarlyk bolsa takmynan ýedi aý dowam edipdir. Şol döwürde zerur hasaplamalar we türgenleşikler geçirilipdir.
Böküş Gudwuddaky trassada amala aşyryldy. Formula-1 ulagyny meşhur sürüji Dewid Koulthard dolandyrdy, ol welosipedçi bilen garşy ugurda sagatda 65 kilometrlik tizlikde hereket edýärdi. Kriss Kaýl bu böküşiniň karýerasyndaky iň howply synag bolandygyny aýtdy. Ol, ugruň ýa-da böküş beýikliginiň hasaplamasynda iň kiçi ýalňyşyň hem agyr netijelere — meselem, bolidiň wagtynda geçip ýetişmezligine — sebäp bolup biljekdigini belledi. Şeýle hem garşylyklaýyn güýçli ýeliň ýagdaýy has kynlaşdyrandygyny aýtdy.
