BMW Z4 rodsteriniň önümçiligini 2026-njy ýylyň maý aýynda tamamlar. Awtoulaglaryň soňky topary M40i görnüşinde çykar. "Hoşlaşyk" modeli hökmünde bawariýalylar ýazda Z4 Final Edition atly ýörite wersiýasyny hödürlärler.
Insaýderleriň berýän maglumatlaryna görä, Final Edition aýratyn elementleri - BMW-nyň Individual programmasyndan kuzowyň ýörite reňklerini, täze ýeňil garyndy tekerleri we salonyň firma bezeg elementlerini alyp biler. Çäkli seriýanyň ýagdaýyny nygtaýan täsin nyşanlaryň bolmagy hem mümkindir. Modeliň M Performance bukjasyna esaslanmagyna garaşylýar. Saýlawlaryň arasynda el bilen geçiriş peýda bolup biler.
BMW öň 8-Series, M3, M8 we M760i V12 ýaly modeller bilen hoşlaşyk wersiýalaryny çykarypdy.
Täze wersiýanyň çak edilýän bahasy 80 müň dollardan geçip biler. Bu BMW-den nusgawy açyk dizaýnly rodsterleri satyn almak üçin iň soňky mümkinçilikleriň biri bolar, kompaniýa oňa mirasdüşer öndürmegi meýilleşdirmeýär. Modeliň önümçiligi 2026-njy ýylda çykarylmagy bes ediljek Toyota Supra bilen bir wagtda tamamlanar.
