Germaniýanyň ECM kompaniýasy BMW R18 motosikliniň hereketlendirijisini ulanyp, Big Coffee Boxer kofemaşynyny hödürledi. Ol BMW Motorrad bilen resmi hyzmatdaşlygyň çäklerinde döredildi.
Kofemaşyndan jemi 80 nusga çykarmak meýilleşdirilýär we olaryň her biri elde ýygnalar. Bahasy 9185 dollardan başlaýar.
ECM inženerleri 1,8 litrlik motosikl hereketlendirijisiniň içinde dürli görnüşli kofeni taýýarlamak üçin ähli zerur zatlary ýerleşdirdi. Enjam suwuň aýlanmagy üçin iki aýratyn kontur bilen üpjün edildi, temperatura Selsiý boýunça 120-128 gradus aralygynda saklanýar. Motor silindrinde kofe taýýarlamak prosesini gözegçilikde saklamaga mümkinçilik berýän enjamlar oturdyldy.
Işläp düzüjileriň aýtmagyna görä, model adaty tehnologiýa çözgütlerinden üýtgeşik zat isleýän motosikl muşdaklary üçin niýetlenendir. Ýöne kofemaşynyň göwrümi götermek üçin laýyk gelmeýär: onuň ini 900 millimetre, beýikligi 600 millimetre barabar bolup, agramy 64 kilogramdyr.
