Awazada Merkezi Aziýa ýurtlarynyň we Azerbaýjanyň medeniýet-sungat ussatlarynyň konserti boldy

  • 09.08.2025 15:32
  • 5.7k+

8-nji awgustda «Awaza» milli syýahatçylyk zolagyndaky teatrlaşdyrylan interaktiw deňiz suw çüwdürimler toplumynda Merkezi Aziýa ýurtlarynyň we Azerbaýjan Respublikasynyň medeniýet we sungat ussatlarynyň dabaraly konserti boldy.

Dabaraly konsert «Ýaşa, mähriban Arkadag!» atly aýdym bilen açyldy.
Konsert Merkezi Aziýa ýurtlarynyň we Azerbaýjanyň medeniýet hem sungat ussatlarynyň çykyşlary bilen dowam etdi. Olaryň çykyşlarynda bu ýurtlaryň halk döredijiliginiň, häzirki zaman sungatynyň baý däpleri we özboluşlylygy beýan edildi.
Konsertiň dowamynda ýurdumyzyň meşhur halk hem-de estrada aýdymçylary, tanymal sazandalary öz ussatlyklaryny görkezdiler. Olar türkmen aýdym-saz sungatynyň naýbaşy eserlerini, söýgi, dostluk, ajaýyp dünýä baradaky aýdymlary ýerine ýetirdiler.
Deňziň gözel keşbi, interaktiw suw çüwdürimleriniň emele getirýän şekilleri, yşygyň, reňkiň we sesiň sazlaşygy konsertiň esasy aýratynlyklarynyň biri boldy. Merkezde, sahnanyň daş-töwereginde ýerleşdirilen uly monitorlarda görkezilýän wideoşekiller çykyşlaryň şowhunyny artdyrdy. Sözleri we sazy Gahryman Arkadagymyza degişli bolan «Garaşyp ýazlaryň joşan wagtyna» atly aýdym konserte gatnaşyjylar üçin hakyky sowgat boldy. Aýdymyň sazy ýaňlanan badyna, tomaşaçylary ruhubelent duýgular gurşap aldy. Ajaýyp sazy, çuňňur manyly sözleri bilen bu aýdym dabara gatnaşyjylaryň ählisiniň kalbynda aýratyn täsirleri galdyrdy.
Däp bolşy ýaly, dabaraly konsertiň ahyrynda gadymy «küştdepdi» tansy ýerine ýetirildi.


düýn 18:22
1.1k+

Azerbaýjanda oktýabr aýynda Türkmenistanyň Medeniýet günleri geçiriler

2025-nji ýylyň oktýabr aýynda Azerbaýjanda Türkmenistanyň Medeniýet günleri geçiriler. Bu barada Trend agentligi habar berýär. Çäreler iki ýurduň arasyndaky ynsanperwer we medeni hyzmatdaşlygyň çäginde guralyp, halklaryň arasyndaky dostlugy hem-de özara düşünişmegi berkitmekde möhüm waka bolar...

düýn 10:44
4.8k+

Hökümet mejlisinde sentýabr aýynda geçiriljek dabaraly çäreleriň Tertibi maslahatlaşyldy

29-njy awgustda geçirilen Hökümet mejlisiniň barşynda wise-premýer B.Seýidowa şu ýylyň sentýabr aýynda maslahatlary, “tegelek stoluň” başyndaky söhbetdeşlikleri, sergileri, döredijilik duşuşyklaryny, wagyz-nesihat çärelerini, aýdym-sazly dabaralary geçirmegiň Tertibi barada aýtdy...

25.08.2025 15:49
2.6k+

Aşgabatda okuwçylaryň arasynda “Ozon we klimat” ylmy-döredijilik bäsleşigi yglan edildi

Türkmenistanda ozon gatlagyny goramagyň Halkara güni mynasybetli mekdep okuwçylarynyň arasynda “Ozon we klimat” atly ylmy-döredijilik bäsleşigi yglan edildi. Bäsleşigi “Ýaş tebigatçy” jemgyýetçilik guramasy BMG-niň Senagat Ösüşi boýunça guramasy (UNIDO) we BMG-niň Ösüş Maksatnamasy (BMGÖM) bilen bilelikde guraýar...

25.08.2025 07:29
11k+

Türkmenistanda hepdelik howa maglumaty (25.08 - 31.08)

Türkmenistanyň Daşky gurşawy goramak ministrliginiň Gidrometeorologiýa gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az bulutly howa bolup, demirgazyk-günbatardan tizligi sekuntda 10 — 12 metrden 13 — 15 metre ýetýän şemal öwser...