Netflix “Uensdeý” serialynyň dowamyny hödürledi. Serialyň premýerasy iki bölege bölündi. Birinjisi, ýagny dört bölüm eýýäm elýeterli boldy, ikinjisi bolsa 3-nji sentýabrda çykar.
Ikinji möwsümiň sýužeti “Newermor” akademiýasynyň garaňky syrlaryny öwrenmäge bagyşlanýar. Bu akademiýanyň müdiri Stiw Buşeminiň ýerine ýetirmeginde Bart Dort boldy. Şeýle-de, serialyň dowamynda tomaşaçylar Ledi Gagany görüp biler. Artist ykbaly “Newermor” bilen ýakyn baglanyşykly bolan syrly mugallym Rozalin Rotwudyň keşbini ýerine ýetirdi. Baş keşbi – Uensdeýi Jenna Ortega oýnaýar, ol özüniň ekstrasensor ukyplarynyň kömegi bilen Enidiň ölüminiň öňüni almaga synanyşýar.
Serial eýýäm tankytçylardan we tomaşaçylardan oňyn baha aldy. Metacritic portalynda ol 7,2 bala eýe boldy. The Telegraph onuň “garaşanyňy ödeýän örän täsirli möwsümdigini” ýazýar.
“Uensdeý” Netflix-de 2022-nji ýylyň güýzünde çykdy. Onuň döredijisi Tim Býorton boldy. Komediýa serialy gahrymanyň ulalyp, “tutuk uçurymdan özbaşdak hanyma” öwrülişine bagyşlanýar. Serialda Uensdeý adatdan daşary ukyplaryny dolandyrmaga çalyşýar we ene-atasyny 25 ýyl ozal bulaşdyran syry açmagyň ýoluny gözleýär.
