Özbegistanyň Fergana jülgesinde Gagea urugynyň (gaz sogan, liliýalar maşgalasy) ösümliginiň täze görnüşi tapyldy. Bu barada ýurduň Ylymlar akademiýasynyň metbugat gullugy habar berdi.
Ösümlik Andijan oblastyndaky Ymam dagynyň eteginde, Alaý gerşiniň çäklerinden tapyldy. Täze görnüşe meşhur özbek botanigi, professor Furkat Hasanowyň hormatyna Gagea khassanowi ady dakyldy.
Ösümligiň daş görnüşi Gagea circumflexa-a meňzeýär, ýöne morfologik tapawutlara eýe bolup, gülleri ak, ýapraklary ýuka we uzyn sapakly.
Ösümligiň ylmy beýany PhytoKeys halkara žurnalynyň iýul sanynda (№ 260, 2025 ýyl) çap edildi.
Barlagy özbegistanly, russiýaly we hytaýly alymlar bilelikde geçirdiler.
