ABŞ-nyň Oba hojalygy ministrligi mallary möjeklerden goramagyň üýtgeşik usulyny ulanýar – sesi güýçlendirijileriň kömegi bilen olara Noa Baumbahyň “Nika hekaýaty” (Брачная история) filminden sögüş sahnasy eşitdirilýär.
Filmiň gahrymanlary Çarli (Adam Draýweriň ýerine ýetirmeginde) we Nikol (Skarlett Ýohansson) aýrylyşýar we çaga terbiýeleýär. Fermerler tarapyndan ulanylýan sahnada olar gygyryşýar we dawalaşýar. Sögüşiň ýazgysy şeýle bir gorkuzyjy bolup çykdy welin, ondan hatda hakyky ýyrtyjylar hem gorkýar.
The Wall Street Journal-yň habar bermegine görä, adam gykylyklarynyň sesi möjeklere atyşyk ýaly täsir edip, howp barada duýdurýar. Hünärmenler dinamikleri dronlara berkidýärler. Haçan-da süriniň golaýynda möjek görlende, dronlar olara tarap gönükdirilýär we ses ýazgysy goýberilýär. Usul haýwanlary atmagyň täsirli çykalgasy boldy.
“Nika hekaýatyndaky” sahnadan başga-da, ýyrtyjylary gorkuzmak üçin AC/DC hard-rok toparynyň “Thunderstruck” aýdymy we feýerwerkleriň sesi ulanylýar.
“Nika hekaýaty” dramasy 2019-njy ýylda Netflix-de çykdy. Onda baş keşpleri ýerine ýetiren aktýorlaryň ikisi-de “Oskara” dalaşgär görkezildi. Ýakyn wagtda Draýwer we Ýohansson Jeýms Greýiň “Kagyz gaplaň” (Бумажный тигр) filminde ýene bilelikde peýda bolar.
