Kia kompaniýasy täzelenen 2026-njy model ýylynyň Sportage HEV gibrid krossowerini görkezdi. ABŞ-da awtoulagyň başlangyç bahasy 30 290 dollar, bu Ýewropa bazaryndakydan ep-esli arzan.
Model sanly gurallar paneli we iki sany 12,3 dýuým ekranly ccNC Lite multimediýa ulgamy bilen enjamlaşdyrylandyr. Simsiz Apple CarPlay-i we Android Auto-ny goldaýar. Ýokarky bezeg derejelerine proýeksiýa ekrany we SynTex emeli deri bilen bezelen oturgyçlar girýär.
Howpsuzlyk ulgamy çaknyşykdan gaça durmak funksiýalaryny, zolagy saklamak, zolagy üýtgetmek mümkinçilikli adaptasiýa kruiz dolandyryşyny we awtoulag duralgasy datçikleri bolan ADAS toplumyny öz içine alýar. Yzky ýolagçylar üçin 1,050 mm aýak goýara giňişlik göz öňünde tutulan, oturgyçlary ýatyrylgy ýagdaýyndaky ýükdanyň göwrümi 2087 litre ýetýär.
Awtoulag 1,6 litrlik turbo hereketlendirijisinden we 47,7 kW kuwwatly elektrik hereketlendirijisinden ybarat gibrid ulgam bilen enjamlaşdyrylandyr. Bilelikde olar 232 at güýjüni we 350 N m torky döredýär. Güýç gurluşy 6 tizlikli awtomat bilen jübütlikde işleýär we oktan sany 87 bolan benzin üçin niýetlenendir, ýöne öndüriji has ýokary hillisini maslahat berýär.
Öň tekerleri hereketli wersiýasy 100 km üçin 5,6 litr ýangyç sarp edýär, ähli tekerleri hereketlisi - 6,7 litr. Esasy LX komplektasiýasynyň diňe öň tekerleri hereketli görnüşi bar, beýleki wersiýalary ähli tekerleri hereketli görnüşdedir.
