Tasmaniýanyň günortasyndaky taryhy Keýp-Bruni maýagynda 120 ýyldan gowrak ýaşy bolan içi hatly aýna çüýşe tapyldy. Bu barada The Guardian habar berýär.
Tapyndyny hudožnik we reňkleýji Braýan Berford kenarýaka desgasynyň adaty tehniki hyzmaty wagtynda ýüze çykardy.
Ol fonar otagynda işläp ýörkä, diwaryň boşluk ýerinde ýagtylygy serpikdirýän predmeti gördi. Bu içinde iki golýazma sahypasy bolan bukjaly çüýşedi. Tapyndydan soň Berford Tasmaniýanyň Seýilgäh we ýabany tebigat gullugynyň taryhy miras boýunça menejeri Annita Waghorn bilen habarlaşdy.
Çüýşe dykyz dyky bilen möhürlenen eken, şol sebäpli onuň içindäkini özbaşdak almak başartmady. Ony seresaply açmak üçin ol Tasmaniýanyň muzeý we çeperçilik galeýerasyndan hünärmenlere ýüz tutdy. Netijede, kagyz seresaplylyk bilen çykaryldy.
Tekste düşünmek işi birnäçe gün wagt aldy. Içinde 1903-nji ýyl bilen senelenen maýagy kämilleşdirmek boýunça görkezme bar eken. Desga 1838-nji ýylda guruldy, 70 ýyldan soň bolsa onda basgançak, fonar otagy we Frenel linzasy peýda boldy.
Tapylan haty köpçülikleýin görkezmek meýilleşdirilýär.
